«Мейірімділік мерекесі» қайырымдылық акциясы аясында 4 «В» сынып оқушылары мен ата-аналары Павлодар облысының қарттар мен мүгедектігі бар адамдарға арналған жалпы үлгідегі арнайы әлеуметтік қызметтер көрсету орталығына барды.
Іс-шараның басты мақсаты – қарт жандарға көңіл бөліп, қамқорлық таныту, жүректеріне жылулық пен қуаныш сыйлау болды.
Балалар мен ересектер әрбір игі істің мұқтаж жандарға қуаныш сыйлап, әлемді мейірімді әрі шуақты ете түсетініне сенімді. Өйткені кішкентай жақсылықтың өзі үлкен қуанышқа себеп бола алады!