Бүгін Орталығымыз бен Павлодар облысы бойынша Экология департаменті, Павлодар облыстық орман шаруашылығы және жануарлар дүниесі аумақтық инспекциясы арасында өзара ынтымақтастық туралы меморандум жасалды. Департамент негізінде өткен "Қарағай: тұқымнан жетілген ағашқа дейін" жобасы аясында тәрбиеленушілеріміз қылқан жапырақты ағаштардың тұқымын орман инспекциясы маманының жетекшілігімен егу бойынша шеберлік сыныбына қатысып, егілген болашақ көшеттерді жылыжайымызға орналастырды. Келешекте күтім жасап, аумағымызды көркейтетін жайқалған ағаштар бой көтереді деген үміттеміз. Жасалған меморандум табысты бастамалардың негізі болсын!