2025 жылғы 29 сәуірде экология және туризм Орталығында "Павлодар облысының білім беру басқармасы" ММ бірлесіп «Білім беру мекемелерінің аумағын абаттандыру, көгалдандыру және ландшафттық дизайн» атты облыстық оқу-тәжірибелік семинар өтті. Семинардың мақсаты – ТжКОБ ұйымдарының аумағын абаттандыруға жауапты қызметкерлерге практикалық және әдістемелік көмек көрсету.
Семинар бағдарламасына келесі мәселелер енгізілді: «Аумақтың жанындағы ландшафттың дизайны жобасын жасау: 3D визуализация», «Өсімдіктерді аурулар мен зиянкестерден биологиялық әдістермен қорғау», «Экологиялық акциялар – үздік жасыл бастамалар», ««Жасыл желек» облыстық байқауы», сондай-ақ «Ағаш-бұта өсімдіктерін кесудің түрлері мен тәсілдері» тақырыбындағы шеберлік сабағы.
Семинар жұмысына 14-тен астам адам қатысты. Іс-шара соңында қатысушылар оның маңыздылығын атап өтті.