№ 32, 33, Жетекші ЖОББМ білім алушылары экология және туризм орталығында!

Бүгін жазғы сауықтыру лагері 1-ауысымының соңғы күні қарсаңында № 32, 33, Жетекші ЖОББ мектептерінің білім алушылары экология және туризм Орталығына ерекше сапар шекті.

Балалар Орталықтағы жылыжаймен танысып, ондағы экзотикалық өсімдіктер мен түрлі өсімдік түрлерінің күтімі туралы қызықты ақпарат алды. Сонымен қатар, экологиялық-танымдық музейде қоршаған ортаны қорғауға қатысты материалдармен, флора мен фаунаның әртүрлі өкілдерімен және Қазақстан табиғатының байлығымен танысты.

Оқушылар үшін бұл күн қызықты әрі танымды болды. Олар жаңа мәліметтер алып, табиғатқа жанашырлықпен қарау керектігін ұғынды.