Бүгін Орталық негізінде «Музейлік-өлкетану қызметі – «Адал Азамат» бағдарламасы аясында балаларды тәрбиелеудің заманауи форматы» аймақтық семинары өтті.
Семинар барысында музей педагогикасы, білім алушылардың патриоттық және рухани-адамгершілік тәрбиесі мәселелері талқыланды. Бағдарламада келесі тақырыптар бойынша баяндамалар тыңдалды: «Музейная педагогика как средство формирования культурных ценностей школьников»,«Г.Н. Потанин музейі мұрасы негізінде оқушыларға ұлттық құндылықтарды дәріптеу мақсатындағы тәрбиелік іс-шаралар», «Өлкетану практикумы: киелі мекендерге сапар арқылы кәсіби бағдар беру мүмкіндіктері»,
«Исследовательская деятельность как средство формирования функциональной грамотности учащихся сельских школ», «Жас өлкетанушыларды тәрбиелеудегі «Жас эколог» музейінің маңызы».
Тәжірибелік бөлімде «Жас экскурсия жүргізушілерін дайындау: теория мен тәжірибе» и «Красота в камне» атты шеберлік сабақтары өткізілді.
Семинар жұмысына Ақтоғай, Железин, Шарбақты, Ертіс, Май, Успен, Аққулы, Павлодар аудандары мен Екібастұз, Ақсу және Павлодар қалаларының педагогтары қатысты.
Іс-шара қатысушылардың тәжірибе алмасуына, кәсіби құзыреттіліктерін арттыруға және музейлік-өлкетану қызметін өскелең ұрпақты тәрбиелеудің тиімді құралы ретінде насихаттауға ықпал етті.