Жеңіс күні қарсаңында «Ұлы ерлікке тағзым» атты Даңқ обелискісіне гүл шоқтарын қою рәсімі өткізілді. Іс-шараның басты мақсаты – Орталық тәрбиеленушілерінің бойында патриоттық сана қалыптастыру, Ұлы Отан соғысы ардагерлерінің қаһармандық ерліктеріне құрмет көрсету, тарихи жадыны сақтау, Отанға деген сүйіспеншілік пен мақтаныш сезімін тәрбиелеу болды.
Рәсім барысында қатысушылар жас ұрпаққа бейбіт өмір сыйлаған батырлардың ерлігі әрдайым ұмытылмайтыны туралы айтып, олардың жанқиярлық еңбегі мен батылдығы кейінгі ұрпаққа үлгі екенін атап өтті.
Мұндай тағылымды шаралар өскелең ұрпақтың ел тарихына деген қызығушылығын арттырып, отансүйгіштікке, елін құрметтеуге тәрбиелеудің ажырамас бөлігі болып табылады.