БЖЭТО тәрбиеленушілері мен спорттық бағдарлау бойынша Павлодар облысы федерациясының спортшылары Щучье-Бурабай курорттық аймағының көркем табиғатында өткен «Бурабай-2026» халықаралық спорттық бағдарлау турнирінде команданың намысын абыроймен қорғады!
Бес күнге созылған жарыс барысында 19 қатысушы күрделі қашықтықтардан өтті: биік өрлер, жартасты аймақтар, қалың орман мен батпақты жерлер спортшылардан күш-жігерді, төзімділікті, мұқияттылықты және жылдам шешім қабылдай білуді талап етті.
Турнир жас спортшыларға мол жарыс тәжірибесін, жарқын әсерлерді, жаңа достар мен Бурабайдың әсем табиғатынан ұмытылмас естеліктер сыйлады.