Экология және туризм орталығында Дүниежүзілік қоршаған ортаны қорғау күніне орай «EcoQuiz: Білім планетасы» қалалық экологиялық ойыны өтті.

Қатысушылар экология саласындағы білімдерін көрсетіп, танымдық байқаулар мен табиғи ресурстарды ұқыпты пайдалануға, экологиялық мәдениетті қалыптастыруға бағытталған тапсырмаларды сәтті орындады.

Зияткерлік сайыстан кейін оқушылар кедергілер жолағынан өтіп, өздерін жартасқа өрмелеуші ретінде сынап көрді. Сонымен қатар «Жас өлкетанушы» мұражайы мен экзотикалық өсімдіктер өсірілетін жылыжайға экскурсия жасады.

Іс-шара табиғатты қорғау, қоршаған ортаның тазалығын сақтау және болашақ ұрпақ үшін экологиялық жауапкершілікті арттыру мақсатындағы «Таза Қазақстан» экологиялық бастамасы аясында ұйымдастырылды.

Экология мәселелеріне бейжай қарамай, белсенділік танытқан барлық қатысушыларға алғысымызды білдіреміз. Ойын қорытындысы бойынша барлық командалар дипломдармен марапатталды.