Бүгін Балалар-жасөспірімдер экология және туризм орталығына «Ирбис» телеарнасының түсірілім тобы арнайы келді.
Тілшілер назарына Орталық тәрбиеленушілерінің Сібір шыршасын өсіру жобасы ұсынылды. Оқушылар көшеттерді қалай күтіп-баптайтындарын көрсетіп, олардың жақсы өсуі үшін топырақты қышқылдандырудың маңызын түсіндірді. Сондай-ақ жас ағаштарды одан әрі өсіріп, кейін табиғи ортаға отырғызу жоспарларымен бөлісті.
Осындай жобалар балалардың табиғатты тәжірибе арқылы танып-білуіне мүмкіндік беріп қана қоймай, қоршаған ортаға деген жауапкершілік сезімін қалыптастырады. Бұл – «Таза Қазақстан» республикалық экологиялық бастамасының негізгі мақсаттарының бірі.
«Ирбис» телеарнасына Орталығымыздың жұмысына қызығушылық танытқаны үшін алғысымызды білдіреміз!