Оқушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынасты тәрбиелеу мақсатында 2020 жылғы 14-16 қыркүйек аралығында Павлодар облысының командасы «Табиғатты аяла» жас өлкетанушылар, экологтар мен табиғат зерттеушілерінің республикалық форумына қатысады.
Форумға Павлодар қаласы әкімдігі Павлодар қаласы білім беру бөлімінің «Балалар-жасөспірімдер экология және туризм орталығы» МКҚК, «Ертіс ауданының Ұзынсу жалпы білім беретін орта мектебі» КММ, «Павлодар қаласының №14 жалпы білім беретін орта мектебі» ММ, «Павлодар қаласының № 35 жалпы білім беретін орта мектебі» ММ, «Шарбақты ауданы әкімдігінің Шарбақты ауданының гимназия сыныптары бар жалпы білім беретін орта мектебі» КММ, «Павлодар қаласының № 28 жалпы білім беретін орта мектебі» ММ Павлодар облысы құрама командасы мүшелері болып табылады.
2020 жылғы 14 қыркүйек күні «Экоболашақ», «Жасыл оазис», «Жеңіс мамыр» номинациялары бойынша жұмыстар жіберілді. 2020 жылғы 15-16 қыркүйек күндері форум қатысушылары «Туған өлке тарихы», «Жасыл экономика», «Денсаулық және қоршаған орта» номинациялары бойынша қашықтан онлайн-платформасында жұмыстарын қорғайды.
Біз қатысушыларға сәттілік пен жеңіс тілейміз!