Музыка - бұл әр баланың сөйлейтін тілі.

Біздің мектепте бұл тіл шығармашылыққа, бәсекелестікке, ойынға және ашылуға айналады.

Жобалар, конкурстар мен концерттер — бұл әр оқушы өзінің талантын ашатын және үлкен жеңістерге алғашқы қадамдарын сенімді түрде жасайтын кеңістік.

Әр оқу жылында біздің оқушылар мектептен халықаралық деңгейге дейінгі түрлі деңгейдегі конкурстар мен фестивальдерге белсенді қатысады.

Өткен оқу жылының нәтижелері таңқаларлық:

• Халықаралық конкурстарда 11 Бас жүлде,
• 28 бірінші орын,

•    84 екінші және

• 63 үшінші-барлығы 260 марапат!

Бұл балалар мен мұғалімдердің қажырлы еңбегінің, сондай-ақ біздің мектептің жарқын шығармашылық әлеуетінің нәтижесі.

Байқаулардан басқа, біз бірегей жобаларды дамытуды жалғастырамыз.

Ұзақ мерзімді «Кішкентай музыка» жобасы қала мектептерінің балаларын классикалық және заманауи музыка әлемімен таныстырады, шығармашылық ойлау мен эмоционалды қабылдауды дамытады. Осы жоба аясында «Дашамен музыкалық саяхат» атты театрландырылған концерттер сериясы басталды.

Қойылымдар қаланың бірқатар жалпы білім беретін мектептерінде және Кенжекөл ауылында өтті.  Балалар жаңа музыкалық әлемдерді қуана ашты.

Әр концерт тек музыка ғана емес, сонымен қатар балалар мен көрермендер оқиғаның бір бөлігіне айналатын театрландырылған қойылымдар, интерактивті ойындар.

Өткен оқу жылында біздің музыка мектебі қала ЖОББМ-мен бірлесіп бірден екі ірі жобаны іске асырды: «Ұлы дала күмбірі» және «Ұлы дала әндері». 01.06.2025 ж. Ertispromenade-та үлкен ұжымдардың: домбырашылардың оркестрі мен хордың өнер көрсетуімен аяқталды.

«OPEN AIR» жазғы жобасы жыл сайын қала тұрғындарына жағалауда нағыз музыкалық мерекелер сыйлайды.

Мектеп Instagram және Facebook әлеуметтік желілерінде белсенді жұмыс істейді.

Әр оқу жылында бейнероликтер мен музыкалық мерекелік құттықтаулар жарияланады.

«Қазақ киімдерінің дәуірі», «Қазақстан тұлғаларда», «Домбырамен ән салам», «.......алғыс айтамын», «Ұлттық киім айы» атты шығармашылық челлендждер өткізілді, соның арқасында балалар музыканы үйреніп қана қоймай, ұлттық дәстүрлерді, тарих пен қазіргі заманғы мәдениетті ашады.

Мектептің фойесінде «Ежелгі көшпенділердің жолдарымен» және «Наурыз шежіресі» атты көркем, кітап көрмелері үнемі өткізіліп тұрады, ал сахнада дәстүрлі түрде «Ансамбльдер шеруі», «Алтын бұлақ» фестиваль-конкурсы, қала тұрғындарына ұнайтын «Ретро концерт» және мектеп жанындағы лагерьлер үшін көптеген концерттік тәжірибелер өткізіледі.

Педагогикалық және концерттік қызмет академиялық және техникалық емтихандармен сәтті үйлеседі, бұл оқытудың жоғары кәсіби деңгейін сақтауға мүмкіндік береді.

Жыл сайын маусым айында мектеп жанындағы «Сириус» бейіндік лагері жұмысын бастайды, онда балалар ойын түрінде әр түрлі қызмет түрлерінде шығармашылық дағдыларын кеңейтеді.

Әрбір жоба, әрбір конкурс, әрбір қойылым – ежелгі дәстүрлер заманауи дыбыспен үйлесетін болашаққа жасалған қадам.

Ал Құрманғазы балалар музыка мектебінде таң қалдыруға, шабыттандыруға және шығармашылық танытуға дайын музыканттардың жаңа буыны дүниеге келуде.