Құрманғазы атындағы № 1 балалар музыка мектебінде балаларды қорғау күніне арналған есеп беру концерті өтті. Оған оқушылар, ұстаздар және мектеп ұжымы қатысты. Халықаралық балаларды қорғау күні - бұл, әрқашан да ашық - жарқын, әрі қуанышты күн. Түрлі - түсті шарлар, мектеп тәрбиеленушілері салған жаз тақырыбындағы алуан түрлі суреттер, балалардың сыңғырлаған күлкісі - бұның барлығы да қуанышты мерекенің атмосферасын білдірді. Кешті қазақ халық аспаптарының оркестрі ашты (жетекшілері К.М. Ермекбаев, Н.Б. Қайшанов). Оркестрдің орындауында Н. Тілендиевтің «Ата толғауы», «Поппури» туындылары шырқалды. Петрова Полина «Мы сильные, когда мы вместе» әнімен көрермендерді таң қалдырды. Барлық музыкалық номерлер түрлі-түсті калейдоскоп тәрізді бір - бірінен асып түсті: домбыраның әсем әуезді үні саксофонның нәзік ырғағымен жалғасса, орыс халық аспаптарының орындалуы – қобыз бен рояльдің бірлескен әуені, бала дауыстарының хорда бірлесіп айтылуы кешті одан әрі жалғастырды. Концертке келген көрермендер хор сыныбын (жетекшісі С.А. Бахмат, концертмейстер Д.С. Масленников) және жоғары хор сыныптарын (жетекшісі К.В. Миронец, концертмейстер Д.С. Масленников, ұрмалы аспаптарда – Б.Е. Перепелица) ерекше қошеметпен қарсы алды. Кеш соңында мектеп педагогы, «Х-фактор» шоу-бағдарламасының финалисі Константин Макаров «Павлодар-Астана» әдемі әнін орындады.