Құрманғазы атындағы № 1 балалар музыка мектебінде 10-14 желтоқсан аралығында Қазақстан Республикасының Тәуелсіздік күніне орай мектеп педагогы бірқатар іс-шаралар: «Қазақстанның ертеңі мен бүгіні» интеллектуалды ойын, «Мен партриотпын» конкурсы, «Еркiн жел» интерактивті викторина, «Әнім саған тұған жер» патриоттық әндер конкурсын өткізді.
 «Елім менің, Қазақстан!» мерекелік концерті іс-шараның шарықтау шегіне айналды. Мерекелік іс-шараға мектептің педагогтары мен оқушылары қатысты. Концертте танымал, әрі рухты патриоттық әндер мен туындылар шырқалды. Концертті Құрманғазының «Адай», Т.Мұхамеджановтың «Детство», А.Өгенбаевтың «Маш ботой» күйлерін орындап, қазақ ұлттық аспаптар оркестрі ашты, жетекшілері Куаныш Мейрамович Ермекбаев және Нурлан Бакытович Кайшанов. Әртістердің эмоционалдық орындаулары бірде-бір көрерменді бей-жай қалдырмады және мерекелік ерекше көңіл-күй сыйлады. Қобызшылар ансамблі, жетекшісі Гульмира Зетхановна Тезекбаева, домбырашылар ансамблі, жетекшісі Майра Сыздыковна Сексембаева, «Серпін» фольклорлық ансамблі, жетекшісі Гаухар Аргыновна Абжанова, орыс ұлттық аспаптар оркестрі, жетекшісі Иван Вячеславович Кузякин көрермендерді музыкалық аспаптардың әуенімен баурап алды.
Мерекелік концерт жоғары сыныптың халықаралық, облыстық және қалалық хор конкурстарының лауреаты «Казақ елім» әнімен аяқтады, жетекшісі Ксения Владимировна Миронец, концертмейстері Дмитрий Станиславович Масленников. Ашық түсті костюмдер, туған ел, бейбітшілік, әсемдік пен мейірімділік туралы жан тебірентер әндер залдағы көрермендерді ерекше ықыласқа бөледі.
Осындай іс-шаралар мен концерттер өскелең ұрпақтың отанға деген патриоттық сезімін қалыптастыруға зор септігін тигізеді.