Балабақшамызда ұжымдық рухты нығайту және салауатты өмір салтын насихаттау мақсатында қызметкерлер арасында «Бірлік – күште» атты спорттық жарыс ұйымдастырылды.

Жарыс барысында тәрбиешілер, асхана қызметкерлері және техникалық персонал түрлі эстафеталық ойындар мен қызықты жарыстарға қатысып, ұйымшылдық пен шапшаңдықтарын көрсетті. Командалар арасындағы достық қарым-қатынас пен өзара қолдау шараның басты ерекшелігі болды.

Іс-шара қызметкерлердің сергектігін арттырып қана қоймай, ұжымдық бірлікті нығайтты. Жеңімпаз командалар алғыс хаттармен және сыйлықтармен марапатталды.