Балабақшада бракераж комиссиясының кезекті отырысы өтті.

Отырыс барысында тәрбиеленушілерге ұсынылатын тағамдардың сапасы, дайындалу технологиясының сақталуы, ас мәзірінің талаптарға сәйкестігі және санитарлық-гигиеналық нормалардың орындалуы қарастырылды.

Комиссия мүшелері дайын тағамдардың дәмдік сапасын бағалап, өнімдердің сақтау мерзімі мен құжаттамаларын тексерді. Тексеру қорытындысы бойынша тағамдардың сапасы талаптарға сәйкес деп танылып, тиісті ұсыныстар берілді.

Балалардың сапалы және қауіпсіз тамақтануын қамтамасыз ету жұмыстары тұрақты бақылауда.