Елінің ертеңі, болашағы білімді ұрпағы екенін ескерсек, бала тәрбиесіне қаншалықты көңіл бөлінсе де көптік етпесі анық. Біздің балабақша "Отбасы-балабақша" көпірін түзеуге ерекше көңіл қояды. Мұның дәлелі жуырда балабақшада  өткен " Жеке тұлғаны тәрбиелеудегі отбасымен тығыз қарым-қатынастың пайдалы жолдары" атты ата-аналармен жүргізілген тренинг кеш. Бұл кеште ата-аналар жан-жақты, құзіретті баланы жеке тұлға ретінде тәрбиелеуде жадыда ұстарлық кеңестер алумен қатар тәжірибе алды. Балаларымен бірлесіп түрлі тапсырмалар орындап, бой сергітетін, ата-анамен баланы бірдей қуанышқа бөлеген ойындар ойнады.Нәтижесінде  тренингке қатысқан әр ата-ана өз баласының қол жеткізген жетістігіне қуанып, баласының тәрбиесіне өзгеше көзқараспен  қарап, саналарын түртпектеп жүрген сауалдарына толыққанды жауап ала алды. Бұл кеш "Отбасы- Балабақша - Ата-ана" қатынасын бекіте түсті.