ЖАДЫНАМА

Гельминтоз - құрт ауруының алдын алу үшін қолды жиі жуу керек (әсіресе жаз мезгілінде), жеміс –жидектерді, көкеністерді міндетті түрде жуып ет пен балықты ыстық сумен өңдеу керек. Контагиозды гельминтоз - құрт ауруының алдын алу үшін балалар болатын үй-жайларды жиі –жиі –жиі ылғалды жинастыру қажет. Баланың жататын төсек-орнын аптасына екі-үш рет, ал іш киімдерін күнде, немесе күн ара ауыстыру керек. Балаңызды күнде екі рет – таңертең және кешке дәреттендіріңіз, оның барысында сабынды қолданыңыз. Баланың қолын күні бойы кем дегенде бес рет жуғаны жөн, дәретханаға барғаннан кейін міндетті турде сабындап жууы тиіс. Острица құрты жұмыртқаларына тексеруге берген анализ нәтижесі нашар болғанда баланың іш киімін жуар алдында қайнату керек, кептірген соң оны ыстық үтікпен үтіктеу керек. Дәретхана мен ваннаның санитарлық-гигиеналық жағдайы жоғары жағдайда болғаны шарт. Балалар жылына бір рет энтеробиозға тексеріледі. Энтеробиозбен сырқаттанған балалар учаскелік дәрігердің ерекше бақылауына алынады.