«Күн, ауа және су – біздің ең жақын досымыз» - Орталықта өткен жазғы спорттық мереке, денсаулық мерекесі, бақыттың балалардың күлкісі мерекесі осылайша аталды. Жаздың осындай бір шуақты күні – балаларды шынықтыруға, оларды серуенге апаруға ең қолайлы мезгіл. Орталығымызда балаларды табиғи факторлармен шынықтыруға көп көңіл бөлінеді, ал жаз мезгілі – балаларды шынықтыру мен сауықтыру шараларын өткізу, профилактикалық шаралар өткізудің ең қолайлы кезі. Мерекенің ең бір маңызды кезеңі – күн ауа ванналары, таза ауадағы ритмикалық жаттығулар, белсенді серуен және су процедуралары. Балалар бір – біріне су шашыратып, импровизацияланған жауынның тамшыларына қуанып асыр салды. Көңілді шаттық күлкісі, балалардың қуанышы мен сергектігі – бұл мерекенің ең басты нәтижесі болып шықты.