Жаз - бұл ең сүйікті мезгіл және сауықтыру шаралары үшін ең қолайлы уақыт. Әр таң балабақшамызда таза ауада өтетін таңғы жаттығумен басталады. Күн сайын тыныс алу, көру, саусақты гимнастика өткізіліп, массаж бен өздік массаждың ойындық түрлері жасалады. Барлық сауықтыру шаралары күн, ауа және су процедураларын қамтып, ойын түрінде ұйымдастырылады. Балалар әсіресе су процедураларын ұнатады. Осы мақсатта балабақшамызда жүзу бассейні жұмыс істейді, балалар тек суға малшынып қана қоймай, жүзе де алады. Жаз ішінде күш жинап, шынығып алу балалар денсаулығы үшін  өте маңызды.