2016 жылғы 10 қазанда ҚР Білім және ғылым министрлігінің мектепке дейінгі білім беру және тәрбиелеуді дамыту департаменті «Қазақстанда математикалық білім беруді дамытудың жағдайы мен перспективаларының тұжырымдамалық жолдарын» әзірлеу аясында Павлодар қ. «№96 сәбилер бақшасы – «Радуга» ҮДО» МҚКК базасында дала зерттеулерін жүргізді. Зерттеу мақсаты: педагогикалық технологияларды қолдану және мектепке дейінгі балалардың қарапайым математикалық түсініктерін қалыптастыруда пәндік-дамытушылық орта туғызу бойынша жұмыс тәжірибесін зерделеу. Зерттеу барысында фокус-топтар, бақылау және құжаттаманы зерделеу жүргізілді. Фокус-топтар мектепке дейінгі ұйымның әдіскерлері және тәрбиешілерімен ұйымдастырылды, балалардың математикалық сауаттылығын дамыту бойынша пәндік-дамытушылық ортаны, үйірме жұмысын, сонымен қатар авторлық және дәстүрлі бағдарламалар шеңберінде математика сабақтарын бағалау үшін қадағалау жүргізілді, «Мектепке дейінгі балалардың математикалық түсініктерін қалыптастыру» бөлімі бойынша Үйлесімді дамыту орталығында пайдаланылатын авторлық бағдарламалар мен әдістемелік нұсқаулар зерделенді.