№ 37 жалпы орта мектебінің 7 «А» сынып оқушылары мен мектеп кітапханашысы Сауле Қажыбекқызы Амреновамен бірге мектеп кітапханасында  Төлеген Айбергеновтың 80 жыл мерей тойына орай «Төлеген Айбергенов - туған жердің жыршысы» атты әдеби кеш өткізілді. Ақын өмірбаянынан көркем слайдтар арқылы қызықты деректер айтылып,  ақындық шығармашылығына талдау жасалды.  Оқушылар ақынның өлеңдерін мәнерлеп оқып, сол оқыған өлеңдерінің тақырыптық-идеялық, мазмұндық желісіне талдау жасау арқылы өз туған жеріне деген сүйіспеншілігін арттыруға талпынды. Автордың тілдік шеберлігіне зер салды. Өлеңдерінің терең тәрбиелік мәнін ашты. Мұндай шаралардың  оқушылардың эстетикалық тәрбие алуымен бірге оқу сауатталығын дамытуға ықпалы зор екендігіне зор сенім артамыз.