"Павлодар дарыны" бос уақытты қамту және балалардың дарындылығын дамыту орталығы 16 қазанда қалалық Мағжан оқуларын өткізді. Мектебіміздің 8-сынып оқушысы Қуанышбекова Ділназ " Өлең - менің Шолпаным, Айым, Күнім" номинациясынан 1- орынға, 9 сынып оқушысы Галлямова Данеля " Толқынмен толқын сырласып..." номинациясы бойынша 1-орынға, 10-сынып оқушысы Елеусизова Алуа "Ақын да бір бала ғой айға ұмтылған" номинациясы бойынша 3-орынды иеленді. Мектебіміз үшін бұл - үлкен мәртебе. Жеңімпаздарымызды құттықтай отырып, алар асулары мол, шығар шыңдары биік болсын дегіміз келеді.