04.12.2017 жылы №37 жалпы орта білім беру мектебінде мектептің әдістемелік жоспарына сай ашық сабақтар өткізілді. Қазақ тілі мен әдебиеті пәні мұғалімі С.Б.Умрахимов «Сан есімді қайталау» тақырыбына 6 «В» сыныбында ашық сабақ көрсетті. 7 модуль ықпалдастырылған сабақ оқушылардың функционалды сауаттылығын қалыптастыруға бағытталды. Сабақта қолданылған флипчарт, логикалық сұрақтар, жаңа тақырыпқа шығуда сөзжұмбақ, шарада түрлері оқушылардың сын тұрғысынан ойлау қабілеттерін дамытты. Сабақ барысында белсенді оқу әдістері тиімді қолданылды. Мұндай сабақтар оқушылардың пәнге деген қызығушылығын арттырумен бірге тілдік дағдыларын, ой-өрісін, сөздік қорын арттыруға ықпал етері сөзсіз.