Құрметті Ұстаздар қауымы! Сіздерді қазақстандықтар үшін ең ұлы да, қастерлі мереке болып саналатын – еліміздің Тәуелсіздік күнімен шын жүректен құттықтаймыз! Біз бүгінде Тәуелсіздіктің арқасында – тарихы біте қайнасқан, тағдыры ортақ тұтас халыққа айналдық. Тірлігі – жарасқан, бірлігі- бақ ашқан елміз. Қазақ халқында «Ынтымақты елдің – ырысы мол» деген даналық бар. Бірлігіміздің арқасында қазақ елінің аты төрткүл дүниеге таралып, Көк байрағы биікке желбіреді. Тәуелсіздіктің арқасында жоғымызды тауып, рухани-мәдени байлығымызды түгендедік.
     Елбасымыздың Жолдауын жүзеге асыру мақсатында сапалы білім – саналы тәрбие беру үшін оны өзіміздің мектеп шаңырағымыздан айқын аңғаруға болады: мектебіміз жедел өзгеріп жатқан заманға лайық техникалық базамен ақпараттандырылған. Педагогтарымыз оқушы тұлғасының үйлесімді қолайлы білім беру ортасын құра отырып, сабақта АКТ-ны қолданып, коммуникативті қарым- қатынасқа түсе отырып, оқушыларды жеке, жұппен, топта жұмыс жасатып, оқушылардың функционалды сауаттылықтарын, шығармашылықтарын дамытуда оқытудың түрлі әдіс-тәсілдерін меңгерген.
     Жаңа заман талаптарына сәйкес мектептің дамуы көптеген қоғамдық-әлеуметтік мәселелерді шешуді қамтамасыз етеді. Осыған сәйкес биылғы жылы мектебімізде жаңартылған білім мазмұнына сәйкес 1,2,5,7 сыныптар сенбі күндері шығармашылыққа баулу мақсатында қосымша білім берумен қамтылады. Атап айтқанда, 5-7 сыныптарда работотехника факультеті оқытылады. Сонымен қоса, мемлекетіміздің зерделі потенциалын қалыптастыру мақсатында «Дарын» атты қоғам мектебіміздегі интеллектуалды, академиялы, шығармашыл, лидер оқушылармен еңбектенеді. «Дарын» қоғамы облысымыздағы ПМПИ, С.Торайғыров атындағы ПМУ, ИЕУ атты жоғары оқу орындарының ғылыми жұмыстарды ұйымдастыру бөлімдерімен бірлесе отырып дарынды балалардың білімін шыңдауда. Оқушыларымыз аталған ЖОО-ның жылда өткізетін халықаралық олимпиадаларының жүлделі иегерлері.
    Болашақ бүгін¬нен баста¬ла¬ды. Сондықтан да замବнымыздың ертеңін жасайтын жас ұрпақты білімді, саналы етіп тәрбиелеумен қатар, қазіргі қоғам дерті жемқорлық пен сыбай¬ластықтан таза тұлғаларды қалыптастыру мақсатында мектебімізде «біз сыбайлас жемқорлыққа қарсымыз» ұранымен «Адал ұрпақ» атты жоғары сынып оқушыларының мүшелігімен құрылған еріктілер клубы жұмыс жасайды.
   Қазіргі ақпараттандыру технологиясының кең дамыған кезінде оқушылар үлкен ауқымды ақпараттарды тез қабылдап, сараптап, логикалық қорытындылар жасай білулері керек. Осы мақсатта мектеп қабырғамызда логикалық және жүйелі ойлауды қалыптастыратын, оқушының ақыл ойын дамытатын зиялылыққа жетелейтін зерделі «Шахмат» үйірмесі де еңбектенуде. Оқушыларды қазақ күресімен шұғылдануға тарту арқылы олардың бойына отансүйгіштік сезімді қалыптастыру мақсатында мектебімізде жаңа инвентарьлармен толықтырылған кіші спорт залында «Қазақша күрес» үйірмесі жұмыс жасайды. Мұндай жоғары атақ пен марапатқа ие болу – ұзтаздар қауымы мен ұжым еңбегінің нәтижесі. Мектебіміздің осындай жетістіктері – бүгінгі Тәуелсіз Қазақстанның арқасында қол жеткен зор табыс деп білемін. Құрметті ұстаздар қауымы ! 16-желтоқсан – Тәуелсіздік күні құтты болсын! Ел игілігі жолында аянбай еңбек етіп, алға қойған мақсаттарға бірге қол жеткізе берейік! Дендеріңізге саулық, отбасыларыңызға амандық, еңбектеріңізге мол табыс тілейміз.

Мектеп әкімшілігі