Павлодар облысына жасаған жұмыс сапары барысында «Нұр Отан» партиясы төрағасының бірінші орынбасары Мәулен Әшімбаев аймақ басшысы Болат Бақауов жане Павлодар облыстық білім беру басқармасынынң басшысы Дінислам Болатханұлымен бірге қала орталығында ашылған ІТ-орталық пен №37 жалпы орта білім беру мектебінде болды. Цифрлық технологияларды күнделікті өмірде қолданысқа енгізіп үлгерген №37 жалпы орта білім беру мектебінде болды. Бұл білім ордасында оқушылар арнайы карта немесе саусақ ізі арқылы мектепке кіріп шығады. Сонымен қатар, онлайн-тамақтану жүйесі де енгізілген. Осы жүйелер арқылы ата-аналар балаларының мектепке қашан келіп кеткенін және қандай тамақ ішкенін біле алады. Онлайн кітапхананы ұстаздар мен оқушылар еркін меңгеріп алған. Өз кезегінде Мәулен Әшімбаев ұстаздармен заманауи білім беру жүйесін дамыту жайында пікір алмасып, ұжымның жұмысына сәттілік тіледі.