Павлодар қаласының № 37 жалпы орта білім беру мектебінде «Тілдер айлығы» аясында 11- сынып оқушылары « Ел болашағы – қазақ тілінде» атты дөңгелек үстел өткізді. Мақсаты: мемлекеттік тілдің аясын кеңейту, ана тілімізді қолдау, ұлттық рухты нығайту. Оқушылар тіл туралы заңнамаларға негізделіп, мемлекеттік тілді қолдану және дамыту жолдары бойынша болжау айтты, Елбасының «Болашаққа бағдар: рухани жаңғыру» бағдарламасында берілген латын графикасына көшу мәселелерін де қозғады. Бұл шараға жауапты қазақ тілі мен әдебиеті мұғалімдері Т.Т.Акпарова және Г.А.Дюсенбина. Мектеп түлектерінің өзіндік пікір айтып, креативті ойлау дағдыларының дамуына көп көңіл бөлінді. Ұлттық тәрбие өз ана тіліне деген сүйіспеншіліктен басталады, сондықтан мұндай шаралардың тәрбиелік мәні зор.