Бүгін мектебімізде 11-сынып оқушыларына арналған «Ерлік сабағы» өткізілді. Іс-шараға Ішкі істер органдарының ардагері, ішкі әскер қатарында қызмет еткен құрметті қонақ Қаратаев Жан Қайыркенович шақырылды. Ардагер оқушылармен өзінің өмір жолы мен қызмет барысында көрген қиындықтары, елге деген сүйіспеншілігі мен патриоттық борышы жайлы әсерлі әңгіме өрбітті.

Кездесу оқушыларға отансүйгіштік, батылдық және азаматтық жауапкершілік туралы ой салып, оларды елін қорғауға дайын, рухы биік тұлға болып өсуге ынталандырды.

Осындай тәрбиелік мәні зор шаралар жастардың бойына рухани құндылықтарды сіңіріп, ел болашағы үшін жауапкершілік сезімін қалыптастырады.