«Жаңа буын» командасы 2025 жылдың 15 қарашасында Екібастұз қаласында өткен Ertis FIRST Regional 2025 халықаралық робототехника байқауының өңірлік кезеңінде өздерін лайықты деңгейде көрсетті.
Жас инженерлер жоғары дайындық деңгейін және инновациялық көзқарасын танытып, құрметті 2-орынды иеленді және байқаудың Орталық Азия кезеңіне қатысуға квота жеңіп алды.
Келесі кезең 2026 жылдың 13–15 ақпаны аралығында Астана қаласында өтеді, онда команда жаңа жетістіктер мен жеңістер үшін күресті жалғастырады.
Команда мүшелері — Ержан Аиша мен Бугумбаев Расулды, сондай-ақ олардың менторлары — Блок Наталья Леонидовнаны және Қожаханова Анастасия Тоқтасынқызын робототехника байқауында 2-орын алған тамаша жетістігімен шын жүректен құттықтаймыз! Бұл — сіздердің табандылықтарыңыздың, шығармашылығыңыздың, командалық жұмыстарыңыздың және жаңа білімге деген құштарлықтарыңыздың нәтижесі.
Сіздер жоғары деңгейдегі дайындықты, батыл инженерлік шешімдерді және ғылым мен технологияға деген шынайы қызығушылықты көрсеттіңіздер. Мұндай жетістік — атқарған еңбектің жемісі ғана емес, жаңа жеңістер мен жаңалықтарға үлкен мотивация.
Команданы қолдап, шабыттандырып, бағыт-бағдар беріп, әрбір қатысушыға сенім артқан ұстаздар мен тәлімгерлерге ерекше алғыс білдіреміз!
Жаңа идеялар, өз күштеріңізге деген сенім, жарқын жобалар мен жеңістер тілейміз! "Робототехника " саласы сіздер өсетін, шығармашылықпен айналысатын және жаңа дүниелермен таңғалдыратын сала болып қалсын.