Павлодар қаласындағы №21 орта жалпы білім беретін мектепте Жаңа жыл мерекесіне арналған жарқын әрі ұмытылмас іс-шаралар өтті.
Мереке шын мәнінде сиқырлы атмосферада ұйымдастырылып, көңілді, әсерлі және қуанышқа толы болды.

Оқушылар ертегі әлеміне қызыға еніп, қазақ халық ертегілерінің кейіпкерлері — Ер Төстік, Алдар Көсе, Мыстан кемпір және басқа да ғажайып образдармен жүздесті. Балалар олармен бірге ойын ойнап, түрлі тапсырмаларды орындап, шат-шадыман күлкіге бөленіп, мерекенің әр сәтінен ерекше әсер алды.

Әсем безендірулер, әуезді музыка, ертегідей оқиғалар мен балалардың шынайы күлкісі бұл күнді шынымен де есте қаларлық етті.
Мереке баршаға көтеріңкі көңіл күй мен Жаңа жыл ғажайыбына деген сенім сыйлады!