№21 орта мектебінде ата-аналарға арналған «Open Talk» форматындағы кездесу өткізілді. Кездесу барысында оқу үдерісінің өзекті мәселелері және білім алушылардың қауіпсіздігін қамтамасыз етуге қатысты сұрақтар қарастырылды.
Іс-шара аясында пән мұғалімдерінің қатысуымен пікірталас алаңдары ұйымдастырылып, ата-аналарға білім алушылардың ағымдағы оқу жетістіктері, пәндер бойынша жұмыс жоспарлары, сондай-ақ үй жағдайында оқуға қолдау көрсетуге арналған әдістемелік ұсынымдар ұсынылды.
Білім алушыларды ББЖМ мен ҰБТ-ға дайындау мәселесіне ерекше көңіл бөлінді: емтихандардың форматы, бағалау критерийлері түсіндіріліп, дайындықтың тиімді тәсілдері ұсынылды. Сонымен қатар мектеп пен отбасының өзара тығыз ынтымақтастығының маңыздылығы атап өтілді, себебі тек бірлескен әрекет арқылы ғана білім алушылардың табысты дамуын қамтамасыз етуге, олардың оқу мотивациясын арттыруға және жоғары нәтижелерге қол жеткізуге болады.