Бүгін мектебімізде «Қазақ тілі мен әдебиеті апталығы» «Атамекен» бірлестігінің ұйымдастыруымен салтанатты түрде ашылды. Ашылу рәсімі мазмұнды да әсерлі өтіп, оқушылардың ана тіліне деген құрметін арттыра түсті. 5 «В» сынып оқушысы Хамит Мадина домбырамен күй тартып, көпшілікке ерекше әсер сыйлады.
Шара барысында оқушыларға ұлттық «Қыз қуу», «Шертпек» ойындары арқылы сұрақ-жауап ұйымдастырылды. «Шаңырақ шеңбері» ойыны аясында ұлттық тағамдар, бұйымдар мен киімдерге байланысты жұмбақтар жасырылып, мақал-мәтелдердің жалғасын табу тапсырылды. Бұл кезеңде оқушылардың тапқырлығы мен тіл байлығы сынға түсті. Сонымен қатар қызықты сұрақтар қойылып, танымдық сөзжұмбақтар шешілді. Әр тапсырма оқушылардың ойлау қабілетін дамытып, білімдерін тереңдете түсті.
Ашылу салтанаты апталықтың жоғары деңгейде өтетініне сенім ұялатып, оқушыларды белсенділікке, білімге және ана тіліне деген сүйіспеншілікке баулыды.