Көктемнің жарқын мерекесі - «Наурыз мейрамы» қарсаңында 5 «Д» және 5 «Г» сынып оқушылары аға буынға көмек көрсету мақсатында игі акцияға қатысты.

Мектеп оқушылары зейнеткердің үйіне барып, шаруашылыққа қолғабыс етті: ауланы қардан тазалап, іргелес аумақты ретке келтіріп, қажетті аула жұмыстарына көмектесті. Балалар игі іс жасауға және қарт адамдарға қамқорлық пен жылулық сыйлауға үлкен құлшыныспен кірісті.

Мұндай іс-шаралар өскелең ұрпақтың бойында үлкенге деген құрмет, еңбекқорлық, мейірімділік пен жауапкершілік сезімін қалыптастырады.