Бүгін мектебімізде «Naурыз Fest – дәстүр және заманауи тренд» атты жарқын әрі мазмұнды іс-шара өтті. Мерекелік бағдарлама аясында бастауыш сынып оқушыларының қатысуымен этно стильдегі fashion көрсетілім ұйымдастырылды.
Оқушылар ұлттық нақыштағы әсем киім үлгілерін, қазақ ою-өрнектерімен үйлестірілген заманауи сән үлгілерін көпшілік назарына ұсынып, сахнада өз өнерлерін сенімді түрде көрсете білді. Әрбір киім үлгісі ұлттық мәдениеттің бай мұрасын, оның ерекшелігі мен заманауи сәнмен үйлесімді байланысын айқындады.
Іс-шара қатысушылар мен көрермендерге көтеріңкі көңіл күй сыйлап, жас ұрпақтың ұлттық құндылықтарға деген қызығушылығын арттыруға мүмкіндік берді.

«Naурыз Fest» ұлттық мұра мен шығармашылықты ұштастырған тағылымды мерекеге айналды.