Павлодар қаласының 21 мектептің 5-сынып оқушылары Әз-Наурыз мерекесін атап өтті. Балалар айналаны ән мен жырға бөлеп, қазақтың ұлттық салт-дәстүрінен көріністер қойды. Оқушылар күн мен түн теңелетін көктемнің шуақты мерекесіне айрықша дайындалған. Мектептің іші мерекеге сай ұлттық нақышта безендіріліп, қазақтың ақ дастарханы жайылды. Салтанатты шараға жиналған балалар мерекеге орай жыр- тақпақтарын оқып, бүрмелі көйлек киген қыздар қамажай биімен ата-аналарды, жалпы жиналған қауымды тәнті етті.