25 қыркүйек күні Даналық мектебі» аясында ұйымдастырылған «Әжелердің қолөнерлері» атты тәрбиелік-мәдени іс-шара өтті. Іс шараға Облыстық Нұр Ана әлемі ҚБ қолөнер тобының шебер әжелеріміз, мектеп әжелеріміз қатысты. Іс-шараның негізгі мақсаты -оқушыларға қазақ халқының дәстүрлі қолөнер түрлерін таныстыру және оны насихаттау болды. Іс-шара барысында ардақты әжелеріміз өздерінің өмірлік тәжірибелерімен бөлісіп, ұлттық қолөнер бұйымдарын – кесте тігу, сырмақ сыру, тоқыма тоқу, құрақ құрау, жүн иіру, шәлі тоқу сынды жұмыстарды көрсетіп, шеберлік сағаттарын өткізді.Кейбір әжелер өз қолымен жасаған бұйымдарын ала келіп, олардың жасалу жолдарын егжей-тегжейлі түсіндірді.Оқушылар қызығушылықпен сұрақ қойып, тәжірибелік жұмыстарға белсене қатысты.Сонымен қатар, оқушылар әжелерге арнап ән айтып, күй шертіп шараға ерекше сән берді. Іс-шара соңында қатысушы әжелерге алғыс хаттар мен естелік сыйлықтар табысталды.Бұл іс-шара оқушылардың бойында ұлттық өнерге, үлкенге құрмет көрсетуге, еңбекқорлық пен шығармашылыққа деген қызығушылығын арттырды. «Даналық мектебі» жобасы арқылы жас ұрпақ пен қарттар арасындағы сабақтастық нығайып, рухани байланыс қалыптасты.