Оқушылардың «Майдан жолы» ізденіс жасағының жауынгерлерімен кездесуін мектеп директоры Б.К. Айгожин ашты. Ол жасаққа жас ұрпақты тәрбиелеуге үлес қосқандары үшін алғыс білдірді.

 

2019 жылғы 11 қыркүйек күні 10-11 сынып оқушыларының алдында «Майдан жолы» жасағының жауынгері Надежда Майба сөз сөйледі. Ол «Волхов майданы. Апраксин» іздестіру экспедициясының нәтижелері туралы айтып кетті. Балалар үлкен қызығушылықпен 2019 жылдың ізденіс жұмыстарымен танысты.

 

«Майдан жолы» жасағының жауынгерлері Кокумбаев Аманжол Жұмаділұлына соғыстан кейін жылдар бойы іздеп келген ағасын іздеуде  көмек көрсетті. Биыл ақсақал Чехиядағы туысының зиратына барып қайтты. Бұл оқиға қатысушылардың бәріне әсер етті.