2022 жылдың 23 қарашасында Мұхтар Әуезов атындағы мектеп Қарағанды облыстық Ж.Бектұров атындағы жасөспірімдер кітапханасының ұйымдастырған, жазушының 125 жылдығына арналған «М. Әуезов - әлемдік тұлға» Халықаралық оқырман конференциясына қатысты.

Белгілі мұхтартанушы –ғалымдармен, филологтармен, оқытушылармен, Қарағанды қаласының ардагерлер кеңесінің мүшелерімен, студенттер мен оқушылармен қатар орыс тілі мен әдебиеті пәнінің мұғалімі Лаура Сериковна Омарова және оның шәкірті Диана Ахтанова сөз сөйледі.

Мұғалімдер мен оқушылардың Мұхтар Омарханұлының шығармашылығы бойынша жүргізген зерттеу жұмысы мектебіміздің басшысы Гульнар Туияковна Топанованың қолдауымен Қарағанды тыңдаушыларының жоғары бағасына ие болды.