Жасөспірімдер ортасында құқық бұзушылықтардың алдын алу мақсатында Мұхтар Әуезов атындағы мектепте 5-8 сынып оқушыларының Павлодар қаласы ювеналды полициясының аға инспекторы Ибраева Қайыргүл Госмановнамен кездесуі ұйымдастырылып, «Жасөспірімдердің әкімшілік және қылмыстық жауапкершілігі» тақырыбында әңгіме жүргізілді.

Қайыргүл Госманқызы өз әңгімесінде ұрлық, бопсалау, дене жарақатын келтіру сияқты қылмыстар жасағаны үшін жауапкершілікке тоқталды. Жасөспірімдерге қай жастан бастап қылмыстық жауапкершілік жүктелетіні және қылмыс жасағаны үшін қандай жазалар қолданылатыны түсіндірілді.

Инспектор көшеде, қоғамдық орындарда жүріс-тұрыс ережелерін сақтауға кеңес берді. Оқушылармен әңгімелесу барысында полиция қызметкері оқушыларға қылмыстың құрбаны болмау жолдарын айтып берді: олардың өмірі мен денсаулығының қауіпсіздігі, сондай-ақ оқушылардың жеке заттарының сақталуы үшін жауапкершілігі мәселелері көтерілді.