17 қаңтар күні Мұхтар Әуезов мектебінде 1-11 сыныптарда Қаныш Имантайұлы Сәтбаевтың 125 жылдық мерейтойына арналған бірыңғай сынып сағаттары өтті.

Іс-шараның мақсаты оқушыларды көрнекті ғалым, геолог, академик Қаныш Сәтбаевтың өмірбаянымен және артынан қалдырған ғылыми мұраларымен таныстыру болды.

2024 жылдың 12 сәуірінде Баянауыл ауданында туған атақты жерлесіміздің туғанына 125 жыл толады.

Бүгін сынып сағаттарында оқушылар кеңестік металлургия ғылымының негізін қалаушылардың бірі, ғалым, қоғам қайраткері, Қазақстан Ғылым Академиясының тұңғыш Президенті, қазақстандық металлогения мектебінің негізін қалаушы Қаныш Сәтбаевтың өмірі мен қызметі туралы әңгімеледі.