Мұхтар Әуезов атындағы мектебінде жас ұстаздардың әлеуметтік мәртебесі мен шығармашылық әлеуетін арттыру, инновациялық белсенділікті дамыту, әрі қарай кәсіби шеберлігін арттыруға жағдай жасау мақсатында «ЖАҢА МЕКТЕПКЕ – ЖАҢАШЫЛ ҰСТАЗ» байқауы өтті.

Байқау дәстүрге айналып, бұл жолы үш кезеңнен тұрды: «Жаңа мектепке – жаңашыл мұғалім» тақырыбына эссе жазу, «Менің педагогикалық жолымның бастауы» презентациясы, таныс емес сыныпта ашық сабақ өткізу.

Байқау қатысушылардың жеке және кәсіби қасиеттерін көрсетті: табандылық, өзін-өзі жеңу қабілеті және, сайып келгенде, дарындылық! Байқау қорытындысы бойынша 1 орын тарих пәнінің мұғалімі Сүлеймен Ж.С.,
2 орын - биология пәнінің мұғалімі Ерболқызы Айзере,
3 орын - география пәнінің мұғалімі Сергазинова М.К. және математика мұғалімі Сеитова Ж.Н. алды.

Жас ұстаздарды жетістіктерімен құттықтаймыз. Кәсіби қызметте сәттілік сіздің басты серігіңізге айналсын!