16 наурыз – Мәдениет және ұлттық дәстүрлер күні.
Мұхтар Әуезов атындағы мектепте қазақтың кең тараған салт-дәстүрлері, оның бірі «Сырға салу» марафонының тұсаукесері өтті.
Оқушылар мен ұстаздар көпшілік алдында қойылым көрсетті.

Қазақ халқы отбасын құруға ерекше мән берген. Халқымызда неке қию бірнеше кезеңнен тұрады, әр кезең өз алдына бөлек дәстүр. Олардың әрқайсысында терең мағына жатыр. Сондай дәстүрлердің бірі – «Сырға салу» (қалыңдыққа сырға салу). «Сырға салу» – келінді ұзатар алдында және ресми той алдында жасалатын салт.
Рәсімнен кейін қыз құда болып саналады.

Іс-шараның мақсаты оқушылардың қазақтың салт-дәстүрі мен әдет-ғұрыптары туралы білімдерін дамыту; қазақ халқының мәдениетіне қызығушылықты ояту; өз елінің, өз халқының адамгершілік және рухани мәдениетіне құрметпен қарауды тәрбиелеу; салт-дәстүрлерін оқыту арқылы қазақ халқының тарихы мен мәдениеті туралы білімдерін кеңейту.