Мұхтар Әуезов атындағы мектепте жаратылыстану Апталығы аясында, оқушылардың қоршаған ортаға қамқорлық сезімдерін ояту, экологиялық сауаттылықтарын қалыптастыру, еңбекқорлыққа баулу мақсатында «EcoKamkorlyk» десанты өтті.

Десант барысында 5-6 сынып оқушылары биология пәні мұғалімімен бірге мектеп рекрацияларына бөлме өсімдіктерін отырғызды.

Қоғап, топырақ салынған қаппен қаруланған оқушылар жұмысқа қызыға кірісті. Бір сағаттық жұмыста олар өсімдіктерді қураған жапырақтарынан арылтып, тамырларын қопсытып, жапырақтарды тазалап, суарды.

Бөлме өсімдіктері ауаны тазалап, мектепте үйдегідей жылы атмосфера қалыптастырады, тыныштық, әдемілік сыйлайды. Осындай жағдайда білім алу жеңілдеп, тамаша ғажайып сезімдер пайда болады.