2025 жылғы 24 сәуірде Мұхтар Әуезов атындағы мектепте «Жасөспірім және заң» бірыңғай құқықтық сағаты аясында оқушыларда физикалық зорлық-зомбылыққа, буллингке жол бермеу, қарым-қатынас пен ойын кезіндегі шектен шықпау, құқықбұзушылықтар жағдайындағы салдарларды түсіну туралы көзқарас қалыптастыру мақсатында учаскелік инспектор, полиция майоры Байдікенов Нұрлан Крокпаевич бастауыш, орта және жоғары сынып оқушыларымен кездесу өткізді.

Нұрлан Крокпевич балаларға тіпті «қалжың» түріндегі қорқыту, буллинг немесе адамға күш көрсету жағдайларында да заң алдында жауапкершілік қарастырылатынын түсіндірді.

Оқушыларға кез келген адамның, оның ішінде кәмелетке толмағандардың да басты міндеті – заң талаптарын сақтау, басқа азаматтардың құқықтары мен мүдделерін бұзбау екені ескертілді.