«Бала үні – болашақтың үні»

Оқу-ағарту министрлігі мүдделі мемлекеттік органдармен бірлесіп, «Қазақстан балалары» онкүндігін өткізуде.

Әр күн бала құқықтары, қауіпсіздігі, білім мен тәрбие алуы, денсаулығы және жан-жақты дамуы сынды маңызды тақырыптарға арналады.

Бүгінгі күнді біз «Бала үні» деп жариялап, әр баланың үнін, арман-мақсатын тыңдадық.

Әрбір ата-ана, әрбір ұстаз, әрбір азамат баланың үнін естуі тиіс.

Балаға шынайы көңіл бөліп, оны жеке тұлға ретінде қабылдау — саналы ұрпақ тәрбиелеудің бастау нүктесі.

Балаларымыздың арманы биік болса, еліміздің де еңсесі биік болары хақ.

Олардың әр тілегінде — үміт, әр сөзінде — сенім бар. Сол үміт пен сенімді есту — біздің азаматтық әрі адами парызымыз.