КМКҚК ДПК «Жігер» қаланың 4–5-сынып оқушылары үшін «Жігер қуаты» атты жарқын қалалық тимбилдинг ұйымдастырды.

Әр мектептен келген командалар 6 қатысушыдан құралды. Ойын барысында қатысушылар 20 түрлі ойын стансасынан өтуі керек болды. Әр станса логиканы, ептілікті, креативті ойлауды, қарым-қатынасты және командалық қолдауды дамытуға бағытталды.

Әр стансаның ұзақтығы – 5–10 минут, ал келесі стансаға ауысуға тек 1 минут қана берілді. Үзіліс болған жоқ — тек қимыл мен қызыққа толы жарыс!

Мұхтар Әуезов атындағы мектеп жанындағы «Балауса» жазғы лагерінің оқушылары ерекше белсенділік танытты. Олар жоғары ұйымшылдықты, тың ойлау қабілетін және нағыз командалық рухты көрсетті!

Жеңімпаздар жинаған ұпай саны бойынша анықталды. Дегенмен бұл күні әрбір қатысушы өзін жеңімпаз сезінді — ең бастысы эмоциялар, жаңа достар және баға жетпес командалық тәжірибе болды!