«БІРЛІК ЖӘНЕ ӘДІЛЕТТІЛІК – БОЛАШАҒЫМЫЗДЫҢ НЕГІЗІ» – осындай атаумен Мұхтар Әуезов атындағы мектепте Республика күніне арналған мерекелік концерт өтті.

Жиналғандарға арнап құттықтау сөз сөйлеген мектеп директоры Торанова Гүлнар Тұяққызы өз сөзінде әділетті Қазақстан, оның құндылықтары мен бірлікке ұмтылу сияқты маңызды ұғымдарға ерекше тоқталды. Ол еліміздің тәуелсіздігі мен егемендігі халықтың бірлігі мен әділеттілік қағидаттарының негізінде қалыптасқанын атап өтті. Гүлнар Тұяққызы дәл осы құндылықтар болашақ ұрпақ үшін рухани тірек болып, оларды жарқын әрі гүлденген Қазақстанға жетелейтініне сенім білдірді.

Құттықтау сөзінен кейін өскелең ұрпақты тәрбиелеуде ерекше үлес қосқан ұстаздар мен мектеп қызметкерлерін марапаттау рәсімі өтті.

Мерекелік концерттік бағдарламаға мектеп оқушылары және ұстаздар белсене қатысты. Олар Қазақстанның мәдениеті мен дәстүрлерін бейнелейтін әсерлі музыкалық және би нөмірлерін дайындап, әр адамның өз туған жері мен халқына деген сүйіспеншілігінің маңыздылығын көрсетті. Концерт барысында Отан туралы өлеңдер, патриоттық әндер мен би қойылымдары орындалып, қазақ халқының рухының қуаты мен бірлігі дәріптелді.