Қазан айында М. Әуезов атындағы мектепте «Ұлттық Style» жобасы аясында «Этно бренд» тақырыбында шығармашылық іс-шара өтті.

Оқушылар өз қолдарымен қазақтың сәндік-қолданбалы өнерінен шабыт алған әсем аксессуарлар жасады. Олардың жұмыстарында ұлттық ою-өрнектер, еркіндік пен даланың рухын бейнелейтін тұлпар бейнесі, сондай-ақ қонақжайлық пен молшылықтың нышаны саналатын бауырсақ элементтері көрініс тапты.

Бұл іс-шара ата-баба дәстүрін заманауи стильмен үйлестіре отырып, ұлттық колорит пен бірегейлікті сақтаудың жарқын үлгісіне айналды.

Жобаның басты мақсаты — оқушылардың шығармашылық қабілеттерін дамыту, ұлттық мәдениетке сүйіспеншілік пен қазақ қолөнеріне құрмет сезімін қалыптастыру. Оған тігіншілік, бисермен өрнектеу, кесте тігу, тері өңдеу сияқты дәстүрлі өнер түрлері кіреді.