Бүгін Мұхтар Әуезов ЖОББМ «Speak! Show! Shine» мектеп жобасының «My Favourite Book» атты екінші кезеңі өтті. Бұл күні сахна шынайы кітап әлеміне айналды.
5–6-сынып оқушылары өздерінің сүйікті шығармалары туралы жай ғана баяндап қойған жоқ — олар кейіпкерлерді сахнада шебер бейнелеп, туындының мазмұны мен эмоциялық әсерін терең жеткізе білді. Көрермендерді шабыттандырып, таныс оқиғаларға жаңаша қырынан қарауға мүмкіндік жасады.
Кітаптар тіл қатқандай әсер қалдырды. Кейіпкерлер жан бітіргендей көрінді. Ал қатысушылар оқу — сезіну, шығармашылықпен іздену және шабыт беру екенін айқын дәлелдеді.