Мұхтар Әуезов атындағы ЖОББМ-де «Ағылшын тілінде арнайы курстарды жүзеге асыру тәжірибесін жетілдіру және білім алушылардың мәдениетаралық құзыреттілігін дамыту» тақырыбында әдістемелік кеңес өтті.
Іс-шара аясында химия пәні мұғалімдері Жолдыбаева Д.Т., Райымжанова Г.Е. және биология пәні мұғалімі Иванова Е.В. интерактивті мини-сессия өткізіп, заманауи интерактивті оқыту әдістерін көрсету арқылы ағылшын тілінде арнайы курстарды оқытудың тиімді тәжірибелерімен бөлісті.
Орыс тілі пәнінің мұғалімдері «Мәдениетаралық қарым-қатынас қазынасын іздеу» атты тілдік квест-сессия ұйымдастырып, оқушылардың коммуникативтік дағдыларын, сыни ойлауын және көпмәдениетті ортада өзара әрекеттесу қабілеттерін дамытуға бағытталған жұмыс жүргізді.
Өткізілген әдістемелік кеңес тәжірибе алмасуға, жаңа тәсілдерді іздеуге және білім сапасын арттыруға бағытталған тиімді алаң болды.