«Ұстаз time» жобасы аясында Павлодар қаласындағы Мұхтар Әуезов атындағы жалпы орта білім беру мектебінің ағылшын тілі пәні мұғалімі Уантаева Мадина Маратовнаның педагогикалық тәжірибесі ұсынылады.
Мадина Маратовнаның жетекшілігімен біздің мектепте оқушылардың ағылшын тілі сабақтарында коммуникативтік дағдыларын дамытуға бағытталған Speak. Show. Shine жобасы жүзеге асырылды. Жоба Communicative Language Teaching және Project-Based Learning тәсілдеріне негізделген, мұнда оқушылар тілді тек оқып қана қоймай, оны нақты қарым-қатынаста белсенді қолданады.
Жұмыс барысында оқушылар өздеріне қызықты тақырыптарды таңдап, баяндамалар дайындап, топтарда жұмыс істеп, өз ойларын ағылшын тілінде ұсынды. Әр оқушының өзін көрсетуіне және тілдік кедергіні жеңуіне мүмкіндік беретін қолдаушы орта құруға ерекше көңіл бөлінді.
Нәтижесінде — оқушылардың мотивациясы артты, өз-өзіне сенімділігі күшейіп, сөйлеу дағдылары дамыды.